Kultura Zuzendaritza Nagusia - Vianako Printzea Erakundea
DNA. Nafarroako Dantza Garaikidea da programa artistiko bat, Vianako Printzea Erakundea-Kultura Zuzendaritza Nagusiak antolatua, Baluarte Fundazioarekin batera. Helburua du sustatzea dantza garaikidea eta mugimenduaren arteak.
DNAren 2023ko edizioa aurkezten dugu hemen: aurtengo egitarauak hainbat ekintza garatzen ditu, hasi sortze prozesutik eta emanaldiraino, Nafarroako dantza profesionalari gure lurraldean presentzia emanez. Nafarroako Antzokien Sareko espazioen bidez, elkartu egiten ditugu dantza, lurraldea eta publikoa.
Programaren hasieran, 2022ko DNAko sorkuntza prozesuetan sortutako lanak aurkezten dira. Hilabete batez, apirilaren 14tik maiatzaren 13ra bitartean, Akira Yoshidak eta Lali Ayguadék osatutako bikoteak eta iXa eta Kon Moción konpainiek 16 emanaldi eskainiko dituzte Nafarroa osoan barna, hainbat kultur gunetan.
Zuk Performing Arts, Riart Compañía, Disiden.Cia eta Dinamo Danza konpainiak 2023ko edizio honetako egoitza artistikoetan ariko dira. Lau astez, beren sorkuntza proiektuak garatuko dituzte eta, gainera, elkartzeko eta dantza komunitatearen gainean hausnartzeko guneak sortuko dira.
Egonaldiak eta emanaldiak egiten diren herrietan, bitartekotza ekintza batzuk ere eginen dira, ikusleek dantza garaikidea hurbilagotik ezagutu dezaten eta ingurunean jarrera positiboa egon dadin diziplina artistiko horrekiko. Bestalde, lankidetzan jarraitzen dugu Nafarroan dantza garaikidea sustatzeko helburua duten proiektu eta entitateekin, denon ahaleginak bateratuz.
Hala, Atalak mugaz gaindiko proiektuan inskribatutako hainbat esperientzia izanen ditugu, parte hartuko dugu Nafarroako Unibertsitatea museoko Museoa dantzan zikloan, eta lankidetzan ariko gara Nafarroako prestakuntza eta hezkuntza zentroekin.
2023ko DNA. Beste edizio bat, eta beste bultzada bat dantza garaikideari Nafarroan.
