Kultura Zuzendaritza Nagusia - Vianako Printzea Erakundea
Goi Erdi Aroko Mendebaldeko hizkuntzak eta identitateak
Hizkuntza funtsezko pieza da talde edo komunitate ororen antolaketan, eta, noski, lotura estua du gizabanako edo kolektibo baten identitatearen definizioarekin. Hala ere, Goi Erdi Aroko identitate kolektiboei buruzko ikerketetan, alderdi hori alde batera utzi izan da tradizionalki. Kasurik onenean, kontu handiz jorratu da eta hizkuntzaren eta identitate etnikoaren arteko harreman saihestezina edo aldaezina identifikatu nahi duen teoria ororen faltsutasuna azpimarratzeko. Azken urteotan hasi da hizkuntzen eta identitateen arteko harremanei buruz ikertzen, ikuspegi berritzaile batetik, hizkuntzak Erdi Aroko Europako lurraldeetan gizarteratzeko edo gizarte-bazterketako tresna gisa hartuta.
Lizarrako Erdi Aroko Ikerlanen Nazioarteko LI. Astean, hizkuntzak Goi Erdi Aroko Mendebaldean izan zuen paperari buruzko azterlanek berriki izandako bilakaeraren protagonista nagusietako batzuk bilduko dira, eta hainbat hitzaldi emango dituzte, Irlanda zeltiko-latinotik hasi eta al-Andalus arabiar-erromantzeraino, Italiako hegoaldeko "grekoengandik" hasi eta iparralde karolingio latino-germaniarrera. Leóndik, Kataluniatik edo Nafarroatik eta bertako hizkuntza-aniztasunetik igarota. Historialariek eta hizkuntzalariek gaia diziplinartekotasunetik eta iturrien aniztasunetik landuko dute, bereziki erreparatuz latina idatziaren eta hizkuntza mintzatuen arteko loturari, baina baita eleaniztasuntestuinguruei ere.
Lizarrako Erdi Aroko Ikasketen Nazioarteko Asteko aktak erregulartasunez argitaratzen ari dira 1991tik. Horiek guztiak Nafarroako Gobernuko Argitalpen Zerbitzuaren bidez eros daitezke.
