Kultura Zuzendaritza Nagusia - Vianako Printzea Erakundea
(Iruña, 1958)
Modu autodidakta batean landu du bere arte-prestakuntza, umetatik Pedro-Martín Balda aitarekin, eta Morrás, Royo, Salaberri eta Manterolarekin, ondoren. 1978an arkitektura ikasten hasi zen Nafarroako Unibertsitatean, eta utzi egin zuen pinturan eta diseinu grafikoan buru-belarri aritzeko. Yturralde, Guinovart izan ditu prestatzaile eta kolaboratzaile, bai eta Don Herbert ere, Donostiako Artelekun.
Bere lanak Bilboko, Madrilgo eta Bartzelonako galerietan erakutsi ohi ditu eta, halaber, ARCO, Atántica eta Arte Santander azoketan. Bilduma publiko eta pribatu ugaritan dago haren obra, hala nola Artiumem, Nafarroako Museoan, San Telmo Museoan, CaixaBankeko Testimonio bilduman, Burgosko CABen, Kutxan, Caja Navarran, Ibercajan, NH Stock Art-en, Ernesto Ventós-en, Iruñeko Udalean, Elkargi Fundazioan, NUPen, Nafarroako Ospitalean, CAI Bilduman eta Nafarroako Parlamentuan.
Diseinu, muntaketa, erakusketa eta komisario lanak egiten ditu hainbat museo, erakunde eta artistarendako. Besteak beste, DANOK taldea. Modernitate osatu gabea, 1966-67 ikerketa burutu zuen Nafarroako Museoan, erakusketa baten eta argitalpen baten bidez. Ilustratzaile eta diseinatzaile grafiko gisa, jaialdi eta ekitaldietarako zenbait kartel-sari irabazi ditu, hala nola: Nafarroako jaialdiak, Sanferminak edo Donostiako Zinemaldia. New Yorkeko Jackson Pollock-Krasner Foundationaren beka jaso zuen, 2010ean, eta New Yorkeko Adolph and Esther Gottlieb Foundationarena 2016an.
Arte Garaikidearen Institutuko (IAC) kidea da, eta lurraldeko lehendakaria izan da Nafarroan. Gaur egun, Donostiako Altxerri galeriako zuzendaria da.
