Irakurketa-klubak

Irakurle talde bat aurretik adostu dituzten liburuak irakurri eta gero, komentatu eta partekatzeko biltzen diren pertsonen multzoa da, liburu eta irakurketari buruzko interesa eta ezagutza handitzeko aukera ezin hobea eskainiz.

Taldeak koordinatzaile bat du. Irakurketak eta hauen inguruan sortutako ekintzez gain, taldeko kideen parte-hartzeak bideratzeaz arduratuko da. Elkargunea leku publiko bat izaten da, liburutegia orokorrean; liburutegi publikoen barne ez dauden taldeen kasuan, beste lekuren batean egin daiteke.

Irakurle taldeen liburu-sortak liburutegi publikoentzat, institutuentzat, ikastetxe eta irakaskuntzarako zentroentzat, auzokideen elkarteentzat, erakunde publiko zein pribatuentzat, eta bestelako erakunde edo elkarteentzat eskuragarri daude, baldin eta Nafarroako Liburutegi Publikoen Sistemak emandako Irakurle Taldeen txartela badute.

Txartela nola eskuratu

Zerbitzu honen erabiltzaile izateko, beharrezkoa da interesa duen irakurketa-klubak Nafarroako Liburutegi Publikoen Zerbitzuak emandako txartel espezifiko bat izatea. Ez baduzu, e-mailez clubeslectura@navarra.es helbidera eska dezakezu honako datu hauek adieraziz:

• Irakurketa-klubaren izena.
  • Irakurketa-klubaren egoitza (bilerak egingo diren lekua)
  • Helbidea
  • Posta-kodea
  • Herria
• Irakurketa-klubaren antolatzailea (liburutegia, erakundea edo elkartea)
• Espezializazioa (gai jakin batean zentratuko bada)
• Modalitatea (presentziala, birtuala edo hibridoa)
• Herria (antolatzailearena)
• Aldizkakotasuna (hamabostean behin, hilean behin, bi hilean behin, hiru hilean behin, lau hilean behin, sei hilean behin edo urtean behin)
• Irakurketen hizkuntza (gaztelania, euskara, frantsesa, ingelesa, elebiduna – zehaztu - edo beste batzuk)
• Irakurketen formatua (komikiak, liburuak, aldizkariak edo bestelakoak)
• Irakurketen euskarria (analogikoa, birtuala edo denetik)
• Koordinatzailea
  • Izena
  • Abizenak
  • Telefonoa
  • E-maila
• Klubarekin harremanetan jartzeko posta elektronikoa

Txartelaren datuak eguneratuta eduki beharko dira. Aldaketaren bat gertatzen denean, beharrezkoa izango da irakurketa-kluben zerbitzuko arduradunei eguneratutako informazioa ematea clubeslectura@navarra.es posta elektronikoaren bidez, bereziki honako hauei buruz direnean:

• Klubeko arduradunaren aldaketa
• Jardueren uztea edo berrasiera
• Klubeko egoitzaren aldaketa

Mailegurako baldintzak

Liburu-sortak erabili ahal izateko honako jarraibideak onartu behar dira:

• Liburu-sorten mailegu epea bi hilabetekoa da. Sortak erreserbatu edota berritu ahal izango dira, baldin eta, aurretik beste talde batek egindako erreserbarik ez badute.
• Gehienezko mailegu kopurua txartel bakoitzeko hiru sortakoa izango da.
• Irakurle taldeek hiru hilean edo urtean behin irakurketen egutegia prestatu beharko dute eta Liburutegien Sareko Atalera bidali.
• Liburuak adierazitako epearen barruan itzuli beharko dira.
• Maileguan hartutako liburuen osotasuna ziurtatu beharko da. Erabilera normalari egotzi ezin zaion aleren bat hondatu edo galduz gero, irakurle taldeak, liburutegi eskatzaileak edo taldeko kideak berak berri bat jarri beharko du edo dagokion zenbatekoa ordaindu.
• Mailegu eskaerak gutxienez 15 egun balioduneko aurrerapenarekin egingo dira.
• Liburutegi Zerbitzuak, edo liburutegi igorleak, eskaera behar bezala beteta jaso eta 10 egun balioduneneko epean bidaliko du sorta.
• Sortak itzultzean liburuak ongi paketatuak bidaliko dira, hondatu ez daitezen.
• Epeak eta arauak maiz ez betetzeak liburu sorten mailegua denbora baterako edo behin betiko eteteak ekar dezake.

Bidalketa eta itzulketa kostuak

Liburutegien Zerbitzuak bere gain hartuko ditu liburu sorten bidalketaren eta itzulketaren gastuak, baldin eta, eskaera Nafarroako liburutegien Sistemaren barruan dauden liburutegien irakurle talde batetik egina bada.

Liburutegi igorlea Nafarroako liburutegi Publikoen Sistemako liburutegia ez den kasuetan, berriz, bidalketa eta itzulketa gastuak liburutegi eskatzaileak ordainduko ditu.

Nafarroako Liburutegi Publikoen Sistemako parte ez diren liburutegi edo erakundeek, bidalketaren eta itzulketaren gastu guztiak bere gain hartu beharko dituzte.

Liburu sortak nola eskatu

Eskaerak nahi dugun izenburua aukeratu ondoren, agertzen den formularioaren bidez egingo dira: http://www.culturanavarra.es/eu/irakurketa-klubak-1/eskatu/

clubes.lectura@navarra.es
848 42 89 82