Kultura Zuzendaritza Nagusia - Vianako Printzea Erakundea
(Denia, 1969)
Arte Ederretan lizentziaduna da, eta kultura ondasunak kontserbatu eta zaharberritzeko espezialitatea ikasi du (Valentziako Unibertsitate Politeknikoa). Bere bizitza profesionaleko zati handi bat ondarea zaindu eta zaharberritzen eman du, bai enpresa pribatuetan eta bai erakunde publikoetan. Lan horrekin batera, 25 urtez jardun du espezialitate horretan irakasle.
Prestakuntza-akademikoaren osagarri, graduondoko bat egin zuen NUPen tokiko kultura kudeaketan.
Bere dinamismoa dela eta, Ondarearen Interpreteen Elkarteko bazkidea da, bai eta Aranzadi Zientzia Elkartekoa eta Nabarraldekoa ere.
Gaur egun, Iruñeko Erresumako Museo Etnografikoaren kudeaketa osoaren arduraduna da, Artetan, eta, 2009az geroztik, diziplina anitzeko eta partaidetzako proiektu ugari zuzendu eta garatu ditu han, arteekin eta ondare material eta immaterialarekin loturikoak denak ere.
2016. urtean, Nafarroako Kulturaren plan estrategikoko eztabaida-saioetan parte hartu ondoren, ONDAREZAIN elkartea sortu zuen Katrin Setuain eta Ainhoa Agirrerekin batera; gaur egun Nafarroako museo kudeatzaile, bilduma museografiko iraunkor eta beste erakustoki publikoen elkarte horretako lehendakaria da.
Ondarezainen helburua da kultura ondarea zaindu, ikertu, erakutsi eta zabaltzen lan egiten duten guztien profesionalizazioa, xedea izanik Nafarroako erakusketa publikoko gune guztien kudeaketan bikaintasuna lortzea, zeinahi izanda ere haien titulartasuna eta kudeaketa eredua.
