Kultura Zuzendaritza Nagusia - Vianako Printzea Erakundea
Nafarroako Gobernua

Cultur-Izan

Vianako Printzea Erakundea-Kultura Zuzendaritza Nagusiaren programa berri honek helburu hauek ditu:

- Kultura tradizionalaren sektoreko (dantza, musika eta ahozko adierazpen tradizionalak) erakundeen eta pertsonen eta Vianako Printzea Erakundea-Kultura Zuzendaritza Nagusiaren artean partaidetza eta elkarrizketa bide bat irekitzea.  

- Ekintza berritzaileak ezartzea, adierazpide horietarako hausnarketa eta bilakaera prozesuak bultzatzeko. 

- Ikusleria berriak sortzea.

  • Kultura tradizionalaren adierazpen horiek zabaltzea eta eskuragarri jartzea.

Sektoreak adierazitako kezkei erantzuteko, Kultura Zuzendaritza Nagusiak 2023an sortu zuen kultura tradizionalaren esparru horri eskainitako programa propio hori. Horrela sortu zen Cultur-Izan, Nafarroa osoan presentzia duen proposamena, eta erakusketa ez ezik, ikusleria berriekiko bitartekaritza, berrikuntza eta kalitatea ere landuko dira bertan.  

UNESCOren Kultur Ondare Immateriala Babesteko Konbentzioaren 20. urteurrena ospatzen den urtean bertan abiarazteak balio digu nabarmentzeko mota horretako ekintzak jardunbide egokiak direla Nafarroako eragile publikoek eta pribatuek kultur ondare immateriala balioztatzeko eta babesteko. 

ZER DA CULTUR-IZAN?

Esamolde hau gaztelaniazko eta euskarazko hitz joko bat da, eta “Kultura izan” adierazi nahi du: gizakia berez “biokulturala” da; beraz, izan garenaren eta egun garenaren ezagutza ez da ulertzen “sustraiko kultura” kontuan hartu gabe. 

Cultur-Izan programaren helburua da Nafarroako musika, dantza eta ahozko adierazpen herrikoiak zabaltzea eta haien arteko bitartekaritza egitea, guztiak ere kultur ondare immaterialaren elementuak baitira.

Lehen edizio honetan, programa osatzen lagundu dute ibilbide luzeko Nafarroako hainbat erakundek, Mahaian parte hartu baitute, hala nola Nafarroako Dantzarien Biltzarrak, Ortzadar Euskal Folklore Elkarteak, Nafarroako Bertsozaleen Elkarteak eta NavarJotak. 

Jarduerak ez dira toki bakar batean gauzatuko: Nafarroako hainbat herritan antolatuko dira. Programak dantza, jota eta bertsolaritza adierazpenak batzen ditu lehen edizio honetan. Gainera, 2023ko edizio pilotuaren amaieran Tanxugueiras taldeak maisu eskola bat emanen du, musika tradizionala egungo gizartera eta kulturara eguneratzearen inguruan.

Cultur-Izan