Kultura Zuzendaritza Nagusia - Vianako Printzea Erakundea
Proiektua idazteko eta inplikatutako hiru aldeek, Nafarroako Gobernua, Tuterako Udala eta Iruñeko eta Tuterako Artzapezpikutzak, balorazio ekonomikoa egiteko hitzarmena sinatu ondoren hasiko dira lanak.
Kultura Zuzendaritza Nagusiak (Vianako Printzea Erakundea) Tuterako Madalenaren Elizaren portada zaharberritzeko lan-mahaia bildu du astelehen goizean, aurreko azterlanen emaitzak azaltzeko. Bertan, Iruñeko eta Tuterako Artzapezpikutzak, elizako parrokiak eta herriko Udalak parte hartzen dute. Aurkezpen honen helburua izan da emaitzak partekatzea, narriaduraren larritasunaz ohartaraztea, ez bakarrik eskultura-taldeen garbitasunaren eta sendotzearen ikuspegitik, baita egituraren ikuspegitik ere, eta behatutako deformazioak aztertzea, ahal den neurrian, patologia horiek monumentu honen atarian eragin dituzten kausak zuzentzeko.
