Kultura Zuzendaritza Nagusia - Vianako Printzea Erakundea
Nafarroako Liburutegiak Fray Diego de Estella egilearen presentzia handitu du bere ondare-bilduman, haren jaiotzaren V. mendeurrena dela eta (1524-1578). Kultura, Kirol eta Turismo Departamentuko Liburutegi Zerbitzuak, Nafarroako Liburutegiaren bitartez, sustatzen duen Nafarroako ondare bibliografikoa kontserbatzeko eta berreskuratzeko politikaren barruan sartzen da jarduera hau.
Erositako loteak argitalpen, hizkuntza eta kronologia ezberdinetako lanen sei ale ditu. Sarrera berri horien ondorioz, Nafarroako Liburutegiak Lizarrako Frai Diegoren irudiarekin zerikusia duten berrogei liburu zahar baino gehiago gordetzen ditu gaur egun. Eskuraketa horien artean, aipagarria da Libro de la vanidad del mundo liburuaren edizio bat, 1570ean Zaragozan inprimatua, beste alerik ezagutzen ez dena, baita lan beraren XVI. eta XVII. mendeetako edizio batzuk ere italieraz. Halaber, aipagarria da Meditaciones del amor de Dios liburuaren edizio goiztiar bat, Bartzelonan 1578an egina, Nafarroako Liburutegiaren zaintzapean dagoen lan honen ediziorik zaharrena dena.
Fray Diego de Estella idazlea
Frai Diego de Estella Urrezko Mendeetako prosa aszetiko-mistikoaren adierazgarririk handienetako bat da. Bere lanek arrakasta handia izan zuten bai bere garaian bai ondorengo mendeetan, eta behin baino gehiagotan argitaratu ziren. Bere idatzirik ezagunenen artean, Munduaren harrokeria eta Jainkoaren maitasunaren meditazioak, Europako hizkuntza nagusietara itzuliak izateagatik nabarmentzen dira, baita arabierara ere, Lizarra eta Nafarroako hiriaren toponimoa ia Europa osora eta munduko beste txoko batzuetara eramanez.
