Kultura Zuzendaritza Nagusia - Vianako Printzea Erakundea
Vianako Printzea Erakundeak eta Kultura Zuzendaritza Nagusiak leize-hartza ezagutarazteko jarduerak antolatu dituzte herriko udalarekin batera.
Larraungo Udaleko Gabari Gune Irekian (Mugiro) martxoaren 17, 18 eta 25ean Ondare arkeo-paleontologikoari buruzko jardunaldiak izango dira, Nafarroako Gobernuak, Larraungo Udalak berak, Madrilgo Unibertsitate Politeknikoak, Euskal Herriko Unibertsitate Publikoak, Aranzadi zientzia elkarteak, Satorrak espeleologia taldeak, Astitzeko Kobek eta Ondare Kultur Taldeak antolatuta.
Jardunaldiek egitarau zabala izango dute, hainbat hitzaldi, mahai-inguru, proiekzio eta tailer uztartuz. Hitzaldi horietan parte hartuko duten pertsona ospetsuen artean, honako hauek daude: Trinidad de Torres erakusketako komisarioa, Madrilgo Unibertsitate Politeknikoko katedradun emeritua, haitzuloetako hartzan Espainian espezialista nagusia eta Amutxateko haitzuloko indusketak zuzendu zituena; Arturo Hermoso de Mendoza, ingurumen-hezkuntzan aditua eta Nafarroako Natura Ondarearen dibulgazioan eta balioan urte askoko esperientzia duena, batez ere lurpeko eremuan; eta Jesús García Gazolaz, Nafar Gobernuko Kultura Zuzendaritza Nagusiko - Vianako Printzea Erakundeko arkeologoa.
Spelaeus erakusketa
Larraungo Udalak “Spelaeus. Aralar duela 50.000 urte” erakusketa hartuko du gaurtik aurrera. Erakusketak haitzuloetako hartzaren historia, bilakaera eta gizakiarekin izan zuen harremana aztertzen du, orain arte jendaurrean ikusgai egon ez diren aztarna paleontologikoen bilduma baten bidez. Horretarako, Amutxate haitzuloan, Aralar mendilerroan dagoen Europako haitzulo garrantzitsuenetako hartz aztarnategi paleontologiko bat erabiltzen da nagusiki. Interes Geologiko Nazionaleko Leku izendatua (Geosite), benetako altxorra da Nafarroako Ondare Natural eta Kulturalarentzat.
Erakusketak Amutxateko kobako esku-hartzeari eta lanei buruzko ikus-entzunezko bat du, eta photocall bat, tamaina naturaleko -3 metroko altuera- haitzuloetako hartz baten jatorrizko birsorkuntzarekin, tente.
ONDARE ARKEO-PALEONTOLOGIKOAREN INGURUKO JARDUNALDIAK
Larraungo udaletxean
Martxoaren 17a, ostirala
12.30ean. “SPELAEUS. Aralar duela 50.000 urte” erakusketaren irekiera ekitaldi instituzionala.
17:00etan. Bisita gidatua, Komisarioen eskutik. *
18:00etan. Inaugurazio hitzaldia. “Vida, muerte y extinción del oso de las cavernas (Ursus spelaeus Rosenmüller): aportaciones del yacimiento de la cueva de Amutxate (Sierra de Aralar)”. Trinidad de Torres Pérez-Hidalgo (Madrilgo Unibertsitate Politeknikoa) *
19:00etan. “Mainea” bideoaren proiekzioa. Ondare Kultur Taldeak aurkeztua. *
Martxoaren 18a, larunbata
11:00etan. Aurkezpena. Jesús García Gazólaz eta Mikel Uharte.
11:15ean. “50 urteko ikerketa espeleologikoak Aralarren”. Satorrak Espeleologia Taldea. *
12:00etan. “Larraungo ondare arkeo-paleontologikoaren ikerketa”. Ondare Kultur Taldea eta Jexux Tapia (Aranzadi). *
12:45ean. “Orain dela 50.000 urte”. Larraun inguruko aurkikuntza paleontologikoak eta giza eboluzioa. Asier Gómez (EHU/Aranzadi). *
17:00etan. Mahai-ingurua. “Gestión del patrimonio natural y cultural de las cuevas y el karst”
Martxoaren 25a, larunbata
10:00etan. Mendukilora bisita gidatua. *
11:30tik 14:00ra. Paleontologia tailerra. “Nola bizi ziren gure arbasoak?” Historiaurreko bizimodua ezagutu: ehizarako, sua egiteko eta margotzeko teknikak. Jexux Tapia (Aranzadi).
* Ekimen hauetan izena eman beharra dago: 948 504 207 / info@larraun.eus
