Kultura Zuzendaritza Nagusia - Vianako Printzea Erakundea
Golem Yamaguchik film laburren errealizadoreentzako prestakuntza-jardunaldia hartuko du.
Galizia, Asturias, Kantabria eta Euskadirekin batera, Nafarroak ´Shortzinema` katalogoarekin parte hartzen duen CORTEN film laburren truke programa Iruñeko Golem Yamaguchin ikusi ahal izango da apirilaren 21ean, ostirala, eta 22an, larunbata. Bi saioak doakoak izango dira, aldez aurretik zinema aretoetako leihatilan edo Interneten gonbidapena jaso ondoren. Programa Nafarroako Gobernuko Kultura Zuzendaritza Nagusiaren ikus-entzunezko proiektuen eta proiektu digitalen sailak antolatzen du, eta NAPAR (Nafarroako Ikus-entzunezkoen Ekoizle eta Profesionalen Elkartea) eta GOLEM elkarteen laguntza du.
CORTEN ekimenak publiko berriak sustatu, zabaldu eta aurkitu nahi ditu parte hartzen duten komunitateen katalogoetan hautatutako film laburrentzat. Sortu berri den zirkuitu honek tokiko talentua indartzea ere bilatzen du, trukerako espazioak erraztuz eta zuzendarien artean sinergiak sortuz.
Horretarako, hainbat emanaldi programatu dira, modu koordinatuan, publiko orokorrarentzat, hiriburu edo hiri garrantzitsuetan. Horrela, urteroko Kimuak katalogoan sartzen diren euskal film laburrak, Shorts from Galicia galiziarrak, Laboral Cinemateca katalogoko asturierazko film laburrak, Cantabria en Corto laburmetraian jasotako kantabriarrak eta Nafarroako Shortzinema nafarrak beren komunitatetik haratago filmoteketan eta zinema-areto komertzialetan ikusteko aukera izango dute. Gainera, zuzendariek beren lana aurkezteko eta topaketa profesionaletan parte hartzeko aukera izango dute.
CORTEN PROGRAMA NAFARROAN
Apirilak 21, ostirala 20:00etan Golem Yamaguchin:
• Amanece la noche más larga (animazioa). 9'
Shortzinema Nafarroako Katalogoa
Zuzendaritza: Carlos Fernández de Vigo eta Lorena Ares
Ekoizpena: Gravity Laws, Arquetipo
• Só as árbores coñecen o son das balas (dokumentala). 13'
Shorts Katalogoa Galiziatik
Zuzendaritza eta ekoizpena: Rebeca Lar
• Alas / Tierra (esperimentala). 10'
Shortzinema Nafarroako Katalogoa
María Sánchezen poema batean oinarrituta (hau da zaintzen duen eskua)
Zuzendaritza: Maddi Barber
Ekoizpena: Estonoesunapoesia
• El querer (fikzioa). 18'
Shortzinema Nafarroako Katalogoa
Zuzendaritza: Miguel Machetti
Ekoizpena: Lasai films
Apirilak 22, larunbata 17:30ean Golem Yamaguchin:
• El último comienzo (fikzioa). 17 '
Film Laburren Laboral Cinematica Katalogoa (Asturias)
Zuzendaritza: Gloria Gutiérrez
Ekoizpena: Pico Tres Cine
• Hezur berriak (fikzioa). 23'
Shortzinema Nafarroako Katalogoa
Zuzendaritza: Aritz Lazkano
Ekoizpena: Skullmendi
• Not for sale (fikzioa). 17'
Katalogoa Cantabria en corto
Zuzendaritza eta ekoizpena: Alejandro Sánchez, MIRIAM.
• Hemen bizi da maitasuna (fikzioa). 15'
Kimuak Katalogoa (Euskadi)
Zuzendaritza eta ekoizpena: Ainhoa Olaso eta Enara García
Gainera, apirilaren 22an, larunbata, Golem Yamaguchin, 10:00etatik 13:30era, film laburrak egiten dituztenentzako prestakuntza-jardunaldia egingo da. Interesa dutenek hurrengo estekan eman behar dute izena.
• 10:00etatik 11:00etara. CORTEN komunitateen aurkezpena, deialdi berria Navarra Shortzinema 2023, NAPAR elkartea.
• 11:30etik 12:30era. Nola kokatu zure film laburra Goya sarietan, Amaia Remirez Kanaki films-eko ekoizle eta zuzendariarekin (hiru Goya sari irabazi ditu).
• 12:30etik 13:30era. Koprodukzioa ezinbesteko tresna Aitor Arenasek, Banatu Filmak-eko arduradunak eta Emergente! Madrilgo Erkidegoko film laburren koprodukzio foroko kolaboratzaileak.
Amaia Remirez Garcia ekoizlea eta gidoilaria da duela hamarkada bat. Zuzendaritzan Malditarekin egin du debuta, Goya 2023 saria irabazi eta Oscar sarietarako kalifikatutako dokumental laburrarekin, Raul de la Fuente bazkidearekin batera zuzentzen duena. Ekoizle gisa egin zuen lehen film luzea, Un día más con vida, Cannesen estreinatu zen Sail Ofizialean, eta European Film Award, Goya eta Zinema Iberoamerikarraren Platino saria irabazi zituen. Kanaki Films bere enpresarekin ekoitzi zuen lehen film laburrak, Mineritak, Goya saria eskuratu zuen eta Oscar sarietarako shortlist sailean sartu zen. Gaur egun Kanaki Filmsetik ari da ekoizten eta Bayo Bayo Babydokumental luzea zuzentzen.
Aitor Arenas Suso Banatu Filmak banatzaile eta ekoizlearen arduraduna da. Programazio, aholkularitza eta produkzio lanak egin ditu, batez ere Txinan. Abycinekin (Albacete) eta Emergente! Madrilgo Erkidegoko film laburren koprodukzio foroarekin ere kolaboratzen du. Espainiako Zinemaren Akademiako Goya sarietarako film laburren jaialdien batzordeetan parte hartzeaz gain, EPE/APVko (Euskal Ekoizleen Elkartea), SFCko (Short Film Conference) eta AICeko (Film Laburren Industriaren Elkartea) Zuzendaritza Batzordeko kidea da, baita UPV/EHUko irakaslea ere, doktore-tesia prestatzen ari den bitartean.
