Kultura Zuzendaritza Nagusia - Vianako Printzea Erakundea
Topaketa
NAFARROAKO ORGANOEN KATALOGOA EGUNERATZEA, JATORRIZKOA BAINO 40 URTE GEROAGO
2025ean 40 urte bete dira Aurelio Sagasetaren eta Luis Tabernaren Nafarroako organoak liburua argitaratu zenetik. Katalogo hori aitzindarietako bat izan zen Espainian ondare organistikoari buruzko ikerketan. Bestalde, 5 urte bete dira Rubén Pérez Iracheta eta José Luis Echechipia Nafarroako organoen katalogoa berrikusten hasi zirenetik.
2020an hasitako organoen katalogoaren berrikuspenaren jatorria da Nafarroako Organoaren Lagunen Elkarteak (ANAO), garai hartan José Ortega buru zela, Nafarroako Gobernuko Ondarearen Atalari egindako proposamena, Nafarroako organoen katalogoaren azterketa eguneratua eskainiz, baina lehen katalogoak hain sakon jorratu ez zituen alderdiak azpimarratuz. Asmoa zen Sagasetaren eta Tabernaren lehen lana osatzea. Lan horretan, batez ere, artxiboak eta organoak bisitatu ziren organista adituaren ikuspuntutik, baina ez hainbeste organogilearen ikuspuntutik. 5 urte hauetan 100 instrumentu bisitatu dira, aurkikuntza interesgarriak egin dira eta, zergatik ez aitortu, mito batzuk eraitsi dira. Bestalde, egoera bitxiak eta anekdotak ere bizi izan dira, eta gure herrietako jendearen abegikortasunaz gozatu da.
Nolanahi ere, lan hau aitzindaria da zenbait alderditan, batez ere organoen barrualdearen azterketa xehatuari eta behaketa horietan oinarrituta egiten ari diren fitxen xehetasun handiei dagokienez.
Mahai-inguru honi buruz ezer erakutsi nahi izan gabe, aurreratu dezakegu Nafarroako ondare organistikoa lehen mailako ondasuna dela, eta, gainera, multzo paregabea Espainian eta Europan. Eta oraindik ez da lana amaitu.
