Kultura Zuzendaritza Nagusia - Vianako Printzea Erakundea
Udako bi hilabete baino gehiagotan zehar, KULTURk Nafarroako espazio askotan zehar ibiltzea proposatzen dizu, kontzertuetan parte hartuz, bertako herriak eta ondare artistiko eta kulturala ezagutuz.
Denbora aurrera doa, eta KULTURrek iraun egiten du. Publikoen eskaeretara egokitzeko ahalmena duelako eta begirada proposamen berrietara zabaltzen dakielako izango da, baita finkatuagoak eta tradizionalagoak diren beste batzuekiko oreka mantentzen duelako ere. Bere ekintza-eremua Nafarroako lurraldea bezain handia eta askotarikoa delako izango da; izan ere, 43 herri eta egoitzatan banatzen da, ibilbide bizi eta zabal batean. Udako denboraldiarekin batera datorrelako izango da, kulturaren zaporea emanez, aire libreaz, naturaz, herrietako ibilbideez eta hango eta hemengo jendearen elkartzeaz gozatzera gonbidatzen duen urtaroari. Zuzeneko arteen alderdi anitzak (estilo guztietako musikak, antzerkia, dantza, zirkoa…) eta lorategi historiko batean egiten den erakusketa batzen dituelako izango da, egoitzetan eta eragin-eremuan dagoen ondare historiko eta natural guztiarekin, udako egutegiko egun luze eta beroetan gozatzeko ibilbide propioa sortzeko aukerarekin.
Hogeita hamar urteko ibilbide luzea eta aurretik ondo aprobetxatutako uda. Bi elementu horiek modu solidoan konbinatzen dira, eta emaitza atsegina izatea agintzen dute.
Jazza, popa, rocka, flamenkoa, antzerkia, zirkoa, dantza, herri-kultura, musika klasikoa; KULTUR programak Nafarroako punta batetik beste punta batera eramango zaitu lekuak ezagutu eta zuzeneko arteekin konektatzeko. Gogoratu zure ingurukoak ekartzea aukera hau gal ez dezaten; edo zatoz bakarrik, hemen ez duzu eta lagunik eta giro onik faltako.
Bertizko lorategi historiko artistikoan, Variopintas talde artistikoak, zortzi emakumek osatzen dutenak, “Ars Naturae – Natura Artis” proposamena aurkeztuko du, lengoaiak eta begiradak nahastuz egina. Naturarekiko errespetuaren aitorpena da, artearen jatorri, bultzada eta materia gisa; bertan publikoarengana irekitako esperientziak izango dira. Natura hori behatu eta eraldatu ahal izango da (ars naturae), baina, era berean, bakoitzaren sortzeko moduaren barne-isla moduan ulertuko da (natura artis).
Ireki ate hau eta igaro zaitez beste aldera. Zuk uste baino hurbilago dago esploraziora eta ezagutzara gonbidatzen duen mundu askotarikoa: kulturak batu, eraldatu eta zentzua ematen du. Gainera, koloretsua eta dibertigarria da.
2025/08/09
2025/07/13
2025/07/01 - 2025/08/31
2025/07/20
