Kultura Zuzendaritza Nagusia - Vianako Printzea Erakundea
2020: Iván Carmona
Ivan Carmonak 28 urte ditu, Iruñean jaio zen eta Noainen bizi da. Musikari aktiboa eta sortzailea da, biolontxeloan eta kontrabaxuan espezializatua. Goi mailako ikasketak amaitu ostean, “premisa argietan oinarritu du bere aurrerapen profesionala: berezko nortasuna duen musikaria izatea eta ohiko ibilbideetatik kanpo egotea, musikan eta arte eszenikoetan berrikuntzak egiteko”, bere hautagaitza bultzatzen zuen proposamenean jasotzen denez.
Suakai enpresaren sortzaile eta zuzendarietako bat izan da, Claudia Osés biolin jotzailearekin batera, eta ekoizle, moldatzaile eta konpositore nabarmena da. 2017an gaitari eta Nafarroako folkloreari buruzko ikerketa zabala egin zuen, Raíces izenekoa; diziplina anitzeko ikuskizun horrek musika, drama eta narratiba uztartzen zituen. Ondoren, Suakai Elektrikoa sortu zuen, eta, udazkenean, Suakai… a lo Clásico lana aurkeztu zuen. Azaroan, Foru Komunitateko kultura eta Juego de Tronos telesailaren musika uztartzea erabaki zuen Tronuen Jolasa – Nafarroako Gaztelu eta Gotorlekuen Ibilbidea izeneko lanean.
2018an, Suakai Revolution proiektua sortu zuen, eta Medicus Mundi GKEarekin lankidetzan aritu zen. Zaragozako Bortzirietako Eskualdeko Erraldoientzako Musika Konposizioaren V. Txapelketaren saria jaso zuen Tuste y Ejea balsari esker, eta eskualde horretan ere beste sari bat eman zioten Anochecer en las Pedrosas lanagatik.
2019an #Top10Sarasate aurkeztu zuen, konpositore nafar ospetsuaren musikaren egokitzapen bat dena. 2020an bi disko kaleratu zituen Alos Quartet taldearekin eta Ezpelurreko gaitariekin, eta horietan moldaketa, konposizio, biolonzelista eta ekoizle lanak egin zituen.
