Kultura Zuzendaritza Nagusia - Vianako Printzea Erakundea
2009ko Vianako Printzea Saria
Agustín González García de Acilu (Altsasu, Nafarroa, 1929) musikagilea eta musika irakaslea da. Bere jaioterrian hasi zen ikasten eta ondoren Madrilgo Goi Mailako Kontserbatorioan, non 1958an Kontrapuntu eta Fuga Saria lortu zuen. Aldi berean, musikologia lanak egin zituen Vianako Printzea Erakundearentzat, eta 1962an erakunde horrek Parisen, Venezian eta Erroman ikasketak zabaltzeko ematen duen beka irabazi zuen. 1964an, Darmstadten "Internationale Ferienkurse für Neue Musik" eta Veneziako IV Corso Internazionale de Arte e Cultura nella Civiltá Contemporanea azoketara joan zen, Pousseur, Lygete eta Babbitek zuzenduta.
Madrilgo Goi Mailako Musika Kontserbatorioan eta Iruñeko Pablo Sarasate Kontserbatorioan eta Oviedoko Unibertsitateko "Jovellanos" Katedran Harmonia irakaslea izan da, eta Ikerketa Zientifikoen Goi Kontseilurako ikerketa musikografiko ikasketak egin ditu. Bere lan pedagogikoa musikagile ugarirengan nabaritu da, bereziki Iruñako Taldearengan.
Besteak beste, Samuel Ros saria (1962), Sucesiones Superpuestas hari laukoteagatik; Musikako Sari Nazionala (1971), Oratorio Panlinguístico lanagatik; eta Aschermittwoch (errauts @-@asteazkena) lanagatik (1967-1968). 1971n Radio Nacional de España ordezkatu zuen Italia sarian Interfonismos lanarekin eta UNESCOko konpositoreen tribunan Aschermittwochekin. Espainiako Konpositore Sinfonikoen Elkarteko kide fundatzailea izan zen 1976an.
1998an bigarren aldiz jaso zuen Musikako Sari Nazionala, konposizioari eta gure garaiko musikaren panoraman bere ekoizpenaren benetako esanahiari eskainitako bizitza osoa aitortzeko. Honoris causa doktore da Nafarroako Unibertsitate Publikoan (2011).
