Kultura Zuzendaritza Nagusia - Vianako Printzea Erakundea
Vianako Printzea Saria 2003
Juan José Aquerretak (Iruñea, 1946) Iruñean 1964an egindako erakusketa batean hasi zuen margolari ibilbidea. Hala ere, 1966an Madrilgo San Fernandoko Arte Ederretako Eskolan sartu zenean, non Antonio Lopezen ikaslea izan baitzen, Espainiako hiriburuko galeriekin lotu zuen, eta 1973an lehen erakusketa bat egin zuen (Sen Galeria), kritikaren interesa jaso zuena.
1964tik bakarkako 17 erakusketa egin ditu eta 28 erakusketa kolektibotan parte hartu du. Marlborough galeriarekin New Yorkeko erakusketa kolektiboetan parte hartu du 1999, 2000 eta 2001 urteetan. Bere marrazkien erakusketa antologiko bakarra 1994an egin zen BBKren Bilboko egoitzan, Miguel Zugaza komisario zuela.
Honako museo eta bilduma publiko hauetan ditu lanak: Kanarietako Artearen Lagunen Elkartea, Argentinako Bilduma, Endesa Bilduma, La Caixa Bilduma, Iruñeko Udal Bilduma, Gipuzkoako Foru Aldundia, Nafarroako Gobernua, Eusko Jaurlaritza, Kanpo Arazoetako Ministerioa, Durangoko Arte eta Historia Museoa, Artium, Bilboko Arte Ederren Museoa, Nafarroako Museoa, Donostiako San Telmo Museoa, Madrilgo Arte Garaikidearen Espainiako Museoa, Salvador Allende Museoa eta Madrilgo Espainiako Senatuaren Jauregia.
Aquerretaren ibilbide artistikoak sari eta errekonozimendu ugari jaso ditu, 1967an hasi (Moreno Higueras Pinturaren Aparteko Saria jaso zuen San Fernandoko Arte Ederren Eskolako Antonio Lopez margolariaren klasean) eta 2001ean Arte Plastikoen Sari Nazionala jaso zuen arte.
Bi sari horien artean, honako hauek ere jaso ditu, besteak beste: Euskal Pinturaren Nazioarteko III. Sari Nagusiaren bigarren saria (Donostia, 1967), 1973an berriro jaso zuen saria; Nafarroako Gobernuak antolatutako Arte Garaikidearen Nazioarteko Lehiaketaren bigarren saria (1983), Fondation Prince Pierre de Monacoko Prix International d 'Arte Contemporain de Monte-Carlo saria (2002), eta S.A.S. le Prince Rainier III saria.
