Kultura Zuzendaritza Nagusia - Vianako Printzea Erakundea
Nafarroako Gobernua

Liburutegien arteko mailegu-zerbitzua abian jarri da Sareko liburutegi publiko guztietan

2017/11/14

Hemendik aurrera liburutegi publikoetako erabiltzaileek benetako sarbidea izango dute Sareko bildumara.

Nafarroakoa Gobernuaren Liburutegi Zerbitzuak liburutegi arteko mailegu-zerbitzu berri bat abian jartzea eta arautzea lortu du Nafarroako Liburutegi Publikoetan. Hemendik aurrera, liburutegi publikoen erabiltzaileek benetako sarbidea izango dute Sareko bildumara. Horrela, beste urrats bat emango da liburutegi guztien integrazioan, "liburutegi bakar baten" izaera errealitate bihurtzeko.

Zenbait liburutegik dagoeneko egiten zuten zerbitzu bat zenez, orain bakarrik hasiko da eskaintzen modu orokor eta antolatu batean, Liburutegi Zerbitzuaren barruan dauden liburutegi guztiek eskainiko dutelako. Horrez gain, hemendik gutxira, beste liburutegi batzuk sartuko dira, liburutegi publikoen sarean egon ez arren, zerbitzuan sartzeko borondatea adierazi dutenak.

Liburutegi arteko maileguak liburutegi baten bildumaren barruan ez egon arren, sistemaren beste liburutegi publiko batzuetan erabilgarri dauden agiriak jarri ditu erabiltzaileen eskura.

Nafarroako liburutegi publikoen helduen agiria duen edozein pertsonak eskatuta egingo da, eta katalogoan mailegagarri gisa ezarritako beste edozein agiria eskatu ahalko da. Edozein eskaera egin aurretik, erabiltzaileak ziurtatu beharko du dokumentua ez dagoela bere liburutegian.

Ez da mailegatuko liburutegien artean eskatzen duen liburutegiak dagoeneko duen dokumentua, erreferentziako obrak (entziklopediak, hiztegiak era abar); antzinako dokumentuak edo baliotsuak, kontserbazio eta ondare arrazoiengatik liburutegiak gorde behar dituenak, nobedadeak eta oposizioetako gaiak, edo liburutegi hornitzailean eskaera handia duten dokumentuak.

Interesa duen pertsonak esteka honetan kontsultatu ahalko du informazio guztia.

Liburutegien arteko mailegu-zerbitzua abian jarri da Sareko liburutegi publiko guztietan

Zerrendara itzuli