Film hau Harper Lee idazlearen izen bereko liburuaren egokitzapena da. Depresio Handiaren garaian, hegoaldeko herri batean, Atticus Finch (Gregory Peck) abokatuak emakume zuri bat bortxatzea egozten dioten gizon beltz baten defentsa egitea erabakitzen du. Gizona errugabea dela argi dago, baina epaimahaiaren erabakia erraz aurreikusi daiteke. Hori dela eta, edozein abokatuk ez luke kasua onartuko; Atticus Finchm-ek, hiriko abokaturik zintzoenak, izan ezik. Egiten duen defentsa ausartaren ondorioz etsai ugari egiten ditu, baina kasuak umezurtz diren bere seme-alaben errespetua ere ematen dio.