Iraupena: 60'
ADOS TEATROA
Ustez mutikoek gogoko izaten dituzten gauzak egin nahi izaten ez dituen mutikoa da Luis… Izan ere, nahiago du loreak biltzen ibiltzea, margotzea, soka-saltoan aritzea, ganbarako trapu zaharrak janztea eta, rock-and-rolleko izar bat balitz bezala, abesten aritzea. Urteek aurrera egin ahala nerabe eztia eta ameslaria izango da. Geroago, heldua izango da, maitasuna aurkituko du eta zahartzarora iritsiko da. Istorio honek pertsonaia baten hazkundea kontatzen du, nola egiten dion aurre munduari. Bere tokia aurkitu ezinik, bere buruari leial izateko gogo biziari eutsiko dio, bere ametsa lortzeko borrokari, eta harekin, munduan duen tokia lortzeko.
Egilea eta zuzendaria: Garbi Losada
Antzezleak: Txori García Uriz, Ion Barbarin, Montse Zabalza
Jatorrizko musika: Javier Asín
Koreografia: Bertha Bermudez
Ekoizpen exekutiboa: José Antonio Vitoria
1994an sortu zen taldea, dibertitzeko, emozioak eragiteko eta interesa pizteko ikuskizunak sortu eta istorioak kontatzeko gogo biziarekin. Ados Teatroa taldea antzerkiaren arloan ibilbide luzea egindako profesionalek bultzatu zuten, ikus-entzunezkoen arloko beste sortzaile batzuekin lankidetzan. Asmoa zen ekoizpen bide bat abiaraztea, estilo desberdinak hartu eta hainbat bokazio eta esperientzia bateratuko zituena.